• Сенің замандасың
• 17 Шілде, 2023

Шанхай университетіне оқуға түсті

Қарағандыдағы НЗМ түлегі Анна Лазарева Shanghai Jiao Tong университетінің (SJTU) Инженерлік кластер бағдарламасына оқуға түсті. SJTU – Қытайдағы ең көне әрі беделді жоғары оқу орындарының бірі. Қытайдағы үздік университеттердің бестігіне кіреді және әлемдегі ТОП-100 университет қатарында.

– Маған оқу мен сақтан-дыруды толық жабатын және жатын орынның ақысын ішінара өтеп беретін стипендия ұсынды. Сабақ ағылшын тілінде болады, оған қоса қытай тілін меңгеруге міндеттімін. Меніңше, тағы бір шет тілін білу пайда әкелмесе, зиян келтірмейді, – дейді ол.

Анна SJTU-де механикалық инженерия саласын оқуды жоспарлап отыр. Университеттің басты артықшылығы –студенттер мамандықты бірінші немесе екінші курстан кейін таңдауына болады.

– НЗМ-де білім алу маған үздік университетке түсуге жол ашты. 11-сыныпта FLEX бағдарлама-сы бойынша оқып, біраз тәжірибе жинадым. Ата-анама ерекше алғыс білдіремін. Анам маған ағылшын тілін үйретті. Әкем қиындықтарға мойымай, мақсатқа жетуге талпындырды, – дейді қарағандылық зияткер. 

Шанхайдағы бұл университетте кәсіби білігі жоғары оқытушылар дәріс береді. Жүзден аса танымал ғылым қайраткері, соның ішінде Нобель сыйлығының үш лауреаты университеттің ғылыми кеңесшісі. Қазір бұл жоғары оқу орнын бітірген түлектер саны 100 мыңнан асады, олардың қатарында Қытай Халық Республикасының бұрынғы төрағасы Цзян Цзэмин де бар.

«Ұлан» газеті, №29
18 шілде 2023 жыл